Un pai e unha meniña reciben asistencia en Vigo tras producirse un incendio na súa vivenda
Un pai e unha meniña reciben asistencia en Vigo tras producirse un incendio na súa vivenda
Un home e a súa filla menor de idade foron atendidos no lugar dos feitos polo 061, pero non foi preciso o seu traslado a un centro sanitario
Os Bombeiros de Vigo rescatáronos a través da fiestra cunha escaleira
Dúas persoas recibiron asistencia tras producirse un incendio na súa vivenda na parroquia viguesa de Lavadores, segundo informa Emerxencias.
As dúas persoas, un pai e a súa filla menor de idade, duns catro anos, foron atendidas no mesmo lugar dos feitos polos profesionais do 061, sen ser preciso o seu traslado a un centro sanitario.
Ao fío da unha desta pasada madrugada varios particulares contactaban co 112 Galicia para indicar que ardía a casa do veciño, na rúa de Ignacio Grobas.
Os Bombeiros de Vigo rescatáronos a través da fiestra cunha escaleira
O lume iniciouse no cuarto da pequena e deixounos sen outra saída que a fiestra, onde, finalmente, os rescataron os Bombeiros de Vigo cunha escaleira pola que accederon ata eles, no primeiro andar do edificio.
Os danos materiais na vivenda son considerables.