Dúas persoas morren nunha colisión entre dous parapentes en Cádiz

Dúas persoas morreron nun accidente entre dous parapentes en Algodonales, na provincia de Cádiz, segundo informou o 112, pertencente á Axencia de Emerxencias de Andalucía.

Minutos antes das 12:30 horas deste luns recibíanse no 112 os primeiros avisos que alertaban dunha colisión entre dous parapentistas na zona de despegamento de Levante na ladeira sur, nunha zona de difícil acceso.

As chamadas solicitaban asistencia sanitaria urxente para dous feridos, a un dos cales lle estaban a realizar as manobras de reanimación cardiopulmonar (RCP).

A sala coordinadora activou ao Centro de Emerxencias Sanitarias 061, á Garda Civil, á Policía Local de Algodonales, ao Centro de Control do Tránsito Aéreo e ao de Coordinación e Rescate.

Ata o lugar mobilizouse un helicóptero sanitario e outro de rescate da Garda Civil. O persoal médico confirmou o falecemento das dúas persoas. 

​​​​​​🔴Dos fallecidos tras una colisión entre dos parapentes en #Algodonales #Cádiz 📻Podcast de la noticia ⤵️ https://t.co/buTobbg89U ➕Info 👇 https://t.co/q77eYuqodI https://t.co/mNnxLV1Q9X

— EMA 112 (@E112Andalucia) October 26, 2026