Drons do 112 colaboran na busca dun desaparecido en Salvaterra de Miño

Drons da Axega uníronse na tarde deste venres á busca dun home de avanzada idade en Salvaterra de Miño. O 112 Galicia tivo constancia deste suceso a través da Garda Civil, que coordina o operativo. O home faltaba desde primeira hora da tarde dunha residencia.

De inmediato, desde o Centro Integrado de Atención ás Emerxencias informouse da situación á Comandancia Naval do Miño, ao GES e aos Bombeiros de Ponteareas e aos voluntarios de Protección Civil de Tui e Salceda de Caselas. O operativo de busca céntrase na zona do río.