Detido por matar a súa nai de 92 anos nun centro sociosanitario de Barcelona

Os Mossos d'Esquadra detiveron este venres un home de 67 anos como presunto autor da morte violenta da súa nai, de 92, nun centro sociosanitario no distrito de Sant Andreu de Barcelona.

Nun comunicado, a Policía da Generalitat informou que o presunto parricida chamou contra as 08:45 horas ao teléfono de emerxencias 112 para avisar que matara a súa nai.

Ata o lugar dos feitos desprazáronse efectivos dos Mossos d'Esquadra, que confirmaron a morte violenta da muller. 

A División de Investigación Criminal (DEC) abriu unha investigación para esclarecer as causas e os motivos deste homicidio.