Dous traballadores, feridos graves en Cualedro tras ser atropelados por unha máquina esparexedora de pedrullo

Dous traballadores resultaron feridos de carácter grave tras ser alcanzados por unha máquina esparexedora de pedrullo.

Ambos os dous foron evacuados en senllos helicópteros medicalizados.

#AXEGAInforma dun accidente con dous traballadores feridos de gravidade 📍A Xironsa, #Cualedro ▶️Foron alcanzados por unha máquina esparexedora de pedrullo ▶️Ambos trasladados ao hospital en helicóptero medicalizado ℹ️https://t.co/31dATM4sgM https://t.co/Ml7IOJ2XU2

— 112 Galicia (@112Galicia) October 16, 2026

Preto das dez da mañá deste venres, o 112 Galicia recibiu un aviso por mor dun accidente con dous traballadores implicados na Xironda, en Cualedro.

Quen alertou a través do número único de emerxencias indicou que os dous foran atropelados por unha máquina esparexedora de grava e presentaban lesións importantes, polo que urxían a asistencia sanitaria.

Deste xeito, os xestores do Centro Integrado de Atención ás Emerxencias de Galicia informaron os profesionais de Urxencias Sanitarias de Galicia-061, que enviaron á zona senllos helicópteros con base en Santiago e Ourense.

Tras recibir os primeiros coidados, os traballadores foron trasladados por vía aérea ao hospital de referencia.

No operativo participaron, ademais, os axentes da Garda Civil e os Bombeiros de Verín, aínda que, á súa chegada, aos traballadores estaban liberados e accesibles.