Dous minutos de inspiración chéganlle ao Barça para sentenciar o Obradoiro
Un parcial de 13-2 no último cuarto co partido empatado a 59 acabou coa resistencia galega
Pode que o Barcelona non estivera facendo o mellor partido. Pode que o Obradoiro realizase unha das mellores defensas da temporada. Así se chegou ata o minuto 34, con empate a 59. Pero un parcial de 13-2 en dous minutos chegáronlle ao equipo de Jasikevicius para rachar o partido (72-61) e levar o triunfo.
A igualdade ata ese intre era total. 19-19 no primeiro cuarto. No segundo o Barcelona acadou unha vantaxe de sete puntos (34-27) á que respostou o Obradoiro cun parcial de 3-7 (37-34 ao descanso).
No terceiro cuarto volveu a meter distancias o equipo catalán (48-38) e outra vez os de Moncho Fernández conseguiron entrar no encontro (55-50). Cando tiñan a situación emparellada veu ese intre de inspiración local e un partido parello acabou cunha ampla diferenza a prol do Barcelona.
📊 ¡Estadísticas FINALES del @FCBbasket 🆚 Monbus @OBRADOIROCAB!
— SuperManager ACB (@SuperManagerACB) February 6, 2022
2⃣8⃣ Nikola Mirotic
1⃣9⃣ Laurynas Birutis
1⃣4⃣ Nick Calathes
1⃣4⃣ Brandon Davies#SuperManagerACB#LigaEndesa pic.twitter.com/wmV8QDQQyc
