Dez provincias españolas, en alerta pola calor extrema no país
Este sábado moitos lugares do país superarán os 40 graos de temperatura
Os expertos aconsella evitar a exposición solar nas horas centrais do día e beber moita auga
A calor extrema repunta e xa son dez as provincias españolas que permanecen en alerta. Tres delas superan os 40 graos e algunhas zonas suman a calima que chega de África.
As altas temperaturas seguen afogando medio país nun verán anticipado que continuará ata o domingo. A calor extrema intensifícase por mor da masa de aire africano, moi cálida e seca, que afecta a Península e as illas Baleares.
Este sábado será o día máis caloroso en todo o país. Os termómetros superarán os 40 graos nalgunas zonas de Andalucía, Estremadura, Castela-A Mancha ou Castela e León.
En Madrid os turistas veñen preparados e os galegos seica o levan mellor. A peor parte lévana os que traballan baixo a presión duns termómetros extremos.
As recomendacións básicas pasan por evitar a exposición solar nas horas centrais do día e beber moita auga para manter a hidratación do corpo.
