Detidos dous mozos por acoitelar outro na zona vella de Ourense

Un dos mozos detidos, de 19 anos, ingresesou en prisión e outro, de 21 anos, quedou en liberdade despois de prestar declaración diante do xuíz.

Foron interceptados pola policía cando intentaban fuxir de Ourense. Buscábanos desde hai un mes como presuntos responsables dun acoitelamento que tivo lugar de madrugada na praza do Ferro da cidade.

Ao parecer un deulle a navalla ao outro, que lle asestou á vítima tres puñaladas. O mozo, tamén de 21 anos tiña feridas de gravidade nun costado e no abdome e sangraba abundantemente. Levárono ao hospital, onde tivo que ser operado de urxencia.