Detido un home por acosar e agredir sexualmente a unha muller en Monforte de Lemos

Un home foi detido e posto a disposición xudicial este martes por supostamente acosar e agredir sexualmente a unha muller en Monforte de Lemos.

Segundo a Policía Nacional, a muller presentou unha denuncia o pasado domingo, por unha agresión sexual.

A denunciante relatou que o home lle tocou os peitos e acosouna pola rúa e telefonicamente.

O presunto agresor foi detido e pasou este martes á disposición xudicial, quedando finalmente en liberdade.