Detido un home na Coruña por agredir outro cunha arma branca tras un altercado

Axentes da Policía Nacional detiveron un home na Coruña por agredir outro cunha arma branca. Ocorreu sobre as 7:50 da mañá deste martes na rúa Educación, despois de que ambos protagonizaran un incidente.

Trátase de dous individuos que pernoitan pola zona. A vítima foi conducida ao complexo hospitalario universitario da Coruña (CHUAC) con feridas leves nunha perna que requiriron dous puntos de sutura. Foi xa dada de alta.