O concello de Xunqueira de Ambía pide que se faga un uso responsable da auga durante estes meses

Con estas altas temperaturas, moitos concellos comezan a pedir que se faga un uso responsable da auga para evitar problemas na subministración. 

Este é o caso de Xunqueira de Ambía. O Concello detectou estes días un consumo excesivo de auga, por iso emitiu un bando advertindo que non se pode encher piscinas nin regar hortas coa auga da traída.

A poboación do municipio durante o verán multilícase, pero por agora non hai problemas na subministración, aínda que temen que se non se fai un uso responsable da auga poida habelos.