Detido un home en Poio tras un incendio que obrigou evacuar unha muller

A Policía Local de Poio informou da detención dun home tras producirse un incendio nunha vivenda no Camiño Real do Casal en que unha muller tivo que ser evacuada por inhalación de fume.

Conforme detalla a policía, o lume iniciouse sobre as 20:20 horas deste sábado. Os axentes de garda desprazáronse ata a vivenda requiridos polo 112 Galicia xunto cos bombeiros de Pontevedra, o GES de Sanxenxo, Protección Civil, Garda Civil e os servizos sanitarios.

Finalmente, unha muller tivo que ser evacuada por inhalación de fume e procedeuse á detención dun home mentres se investigan as causas do incendio.