Detido un home acusado de acoitelar a súa parella en Pinto

Unha muller de 41 anos permanece ingresada en estado grave na localidade madrileña de Pinto tras recibir varias coiteladas. O presunto autor é a súa parella, un home de 43, que está detido.

O suceso ocorreu contra a unha da tarde, cando os servizos de emerxencia recibiron unha chamada de aviso. Cando acudiron ao lugar, encontraron a muller na escaleira, con feridas de arma branca no abdome e no tórax.

Os sanitarios do Summa lograron estabilizala antes de evacuala ao hospital Doce de Octubre.