Detido por intento de homicidio un fillo da muller golpeada na súa casa en Bueu
Trasladárona de urxencia ao hospital Montecelo, onde permanece ingresada desde o venres
Vivenda onde reside a muller agredida en Bueu
O fillo da muller que apareceu golpeada no seu domicilio de Bueu foi detido este sábado como suposto autor dos feitos.
Os axentes da Garda Civil arrestárono ao atribuírlle o delito de tentativa de homicidio. A muller, de avanzada idade, foi localizada polos axentes da Garda Civil o venres no seu domicilio de Bueu con múltiples golpes en todo o corpo, incluída a cabeza e a cara, lesións polas que foi ingresada no Hospital Montecelo de Pontevedra.
A policía xudicial procedeu a realizar unha inspección ocular no lugar dos feitos e a tomar declaración a algunhas testemuñas.
A investigación dos gardas civís de Cangas do Morrazo para esclarecer os feitos levou á detención do fillo da muller agredida.
