Detido por ameazar cun machete a súa parella en Barreiros, onde se descobre un arsenal ilegal

A Garda Civil detivo un veciño de Barreiros, en Lugo, de 46 anos, como presunto autor dun delito de violencia machista ao ameazar a súa parella cun machete de grandes dimensións.

Ademais, está acusado de tenencia ilícita de armas e depósito de armamento ao descubrir que tiña 13 armas longas de diferentes calibres, algunhas coa marca e modelo borrados. De feito, investígase se estas escopetas poden estar implicadas noutros delitos.

Segundo informa este corpo nun comunicado, a vítima, de 34 anos, tivo que ocultarse na mañá do pasado martes na vivenda que compartía coa súa parella despois de ser ameazada de morte cun machete.

A persoa detida pasou a disposición xudicial.