Detido na Coruña un dos presuntos autores do acoitelamento un home no barrio das Flores
Detido na Coruña un dos presuntos autores do acoitelamento un home no barrio das Flores
A policía sorprendeu un dos supostos agresores cando roubaba no interior dun vehículo
A vítima foi ingresada no hospital universitario con prognóstico reservado por varias feridas de arma
Os feitos ocorreron o pasado luns, segundo confirmou a Policía Nacional. Ao parecer dous homes agrediron a outro cun arma branca pasada a unha da madrugada no barrio coruñés das Flores, unha zona onde os veciños denuncian moitos problemas de convivencia con toxicómanos.
A vítima foi ingresada no hospital universitario por varias feridas e permanece no centro sanitario con prognóstico reservado.
Un dos supostos agresores foi sorprendido nas últimas horas roubando no interior dun vehículo. A Policía decatouse de que era unha das persoas identificadas no suceso da barrio das Flores e procedeu á súa detención.
Nestes momentos está á espera de pasar a disposición xudicial. A investigación continúa aberta a cargo da Unidade de Delincuencia Especializada e Violenta da Policía Nacional.
