Detido en Ferrol o home que fuxira tras cortarlle a orella a un veciño en Fene
Foi apresado nunha vivenda ocupada situada no barrio de Caranza
O home permanecía en paradoiro descoñecido desde o pasado 1 de xuño
A Garda Civil detivo en Ferrol o presunto autor da agresión que o pasado 1 de xuño deixou a un veciño da Capela, en Fene ) sen parte dunha orella. Atacouno cunha fouce e agrediu a muller da vítima tras romper a ventá do vehículo no que ambos viaxaban.
Efectivos do posto de Fene deron con el nunha vivenda ocupada do barrio ferrolán de Caranza, concretamente nas coñecidas como casas de Bazán. O sospeitoso atopábase en paradoiro descoñecido desde que se produciron os feitos na parroquia de Sillobre.
Os investigadores constataron que o agresor residía de xeito irregular nunha casa ocupada en Sillobre, onde compartía teito con outros dous homes de avanzada idade. Non é a primeira vez que este individuo xera tensións entre a veciñanza. Fontes próximas á investigación sinalaron que xa protagonizara incidentes previos con ameazas a outros residentes da zona.
O detido pasará nas próximas horas ao dispor do xulgado de garda de Ferrol.
