Publicador de contidos

Publicador de contidos

Detidas tres persoas dunha banda organizada que perpetrou sete roubos con forza en Lugo

Detidas tres persoas dunha banda organizada que perpetrou sete roubos con forza en Lugo

As persoas detidas foron postas a disposición xudicial

G24.gal 12/02/2024 12:11

A Garda Civil, no marco da operación Alvanca, detivo os tres membros dunha banda organizada que son sospeitosos de sete delitos de roubo con forza en vivendas habitadas e establecementos públicos da provincia de Lugo e outro a maiores en grao de tentativa.

A investigación comezou no primeiro semestre do pasado ano, despois de varios roubos cometidos en vivendas habitadas das localidades de Xove e Barreiros, así como en empresas da Pontenova, Mondoñedo, A Pastoriza, Carballedo e Baralla.

Nunha primeira fase desa operación policial foron detidos os dous primeiros integrantes desa banda, dous veciños de Lugo de 31 e 38 anos. Posteriormente, o desenvolvemento da investigación levou á identificación e posterior arresto dun terceiro membro do grupo, de 47 anos de idade e tamén con residencia na capital lucense.

No transcurso da operación foron realizados varios rexistros domiciliarios, nos que foi intervida unha arma de fogo e foron recuperados case todos os obxectos roubados. O valor aproximado dos obxectos recuperados ascende a uns 13.000 euros. As persoas detidas foron postas a disposición xudicial.

Publicidade
Publicidade
Publicidade
Publicidade