Detida unha muller acusada de roubar xoias na casa onde traballaba en Betanzos
As alfaias substraídas están valoradas en máis de 50.000 euros
A Garda Civil localizou as pezas no domicilio da arrestada, algunhas delas agochadas
As xoias roubadas nunha imaxe da Garda Civil
O equipo territorial de Policía Xudicial da Garda Civil de Betanzos detivo unha muller como suposta autora dun delito de roubo con forza polo furto de xoiais valoradas en máis de 50.000 euros.
A investigación botou a andar tras a denuncia interposta pola propietaria das alfaias e, dende o inicio, as forzas de seguridade puxeron o foco na súa contorna doméstica.
Algunhas pezas estaban agochadas. IMAXE: Garda Civil
Logo das primeiras pescudas e da análise da información solicitada, comezaron sospeitar da persoa que traballaba como empregada do fogar da vítima que, finalmente, foi arrestada.
No rexistro do seu domicilio, a Garda Civil topou a maior parte das xoais roubadas, algunhas delas ocultas nun azucreiro ou soterradas en macetas.
A presunta autora do furto devolveu de xeito voluntario parte do botín, pero a denunciante non recoñeceu como propias algunhas das pezas, polo que a investigación continúa para esclarecer a súa procedencia.
