Deteñen un home como presunto autor de varios roubos nun centro de lavado de Negreira

A Garda Civil de Negreira detivo un home, veciño da vila, como suposto autor de cinco roubos nas máquinas de cobro dun centro de lavado.

Tal e como trasladou a Garda Civil da Coruña, a actuación iniciouse por mor de las reiteradas subtraccións rexistradas nas instalacións dun establecemento de lavado e aspirado de vehículos situado en Negreira.

Neste contexto, o pasado dous de novembro os axentes lograron localizar e arrestar o sospeitoso, orixinario de Santiago e actualmente residente en Negreira. O home contaba con antecedentes.

As dilixencias instruídas por estes feitos foron postas á disposición do Tribunal de Instancia de Garda de Negreira.