Deteñen o home que alertou dun incendio na vivenda que tiña que abandonar
Ocorreu no barrio vigués do Calvario
O home foi detido e tras ir ao xulgado derivárono ao hospital
De rescatado nun incendio a detido por provocalo, ese foi o percorrido do home que onte pedía axuda dende o balcón da vivenda en que residía como inquilino en Vigo. Logo de rescatalo os bombeiros comprobaron que se trataba dun lume intencionado con tres focos. O home estaba a piques de ser desafiuzado.
A alarma saltaba contra as once e media da mañá do xoves e nunha tenda téxtil de Antela Conde empezaron a notar cheiro a fume. Axiña viron chegar dous coches de bombeiros, un deles, escada. Desaloxaron todo o edificio afectado e confinaron as empregadas desta tenda.
O home que alertou ao 112 estaba no balcón, fóra de si tremendo.
Logo do rescate os bombeiros detectaron que había tres focos e deron feito que o incendio foi provocado por el, un home de trinta anos que estaba de alugueiro e que ía ser desaloxado da súa vivenda. Acabou sendo detido.
Xa pasou a disposición xudicial e o xulgado solicitou que o volvesen levar ao hospital.
