Detectan mosquito tigre no Morrazo, aínda que cunha incidencia menor que o ano pasado

Como en anteriores veráns, o mosquito tigre volve. Os exemplares identificados concéntranse na comarca do Morrazo pero debido á seca este ano son menos. A principal preocupación son as súas dolorosas picaduras pero a nivel sanitario non hai ningunha alerta. 

Para que non se reproduzan é fundamental non poñerlle fácil a cría ao mosquito tigre que necesita moi pouca auga estancada para desovar, por exemplo, nun prato dun testo, nun bebedoiro de mascotas ou nun floreiro.

En caso de detectar a súa presenza hai unha aplicación, Mosquito Alert, coa que podemos facerlle unha foto ao insecto e verificar a súa identificación e localización,  e controlar así a expansión destes mosquitos invasores.