Desviados tres voos a Santiago desde o aeroporto da Coruña debido á espesa néboa

Tres voos con destino A Coruña tiveron que ser desviados a Santiago debido, segundo Aena, a "causas meteorolóxicas". Sucedeu despois de que no aeroporto herculino de Alvedro se rexistrara unha espesa néboa a primeiras horas deste xoves.

En concreto, tivo que cambiar de destino un avión de Vueling procedente de Barcelona (07:40 horas), así como un de Iberia que saíra de Madrid (08:40).

Así mesmo, outro voo da compañía Air Europa e tamén procedente da capital de España (07:50) tamén tivo que desviar a súa ruta ao aeroporto de Santiago-Rosalía de Castro.