A cinco días da primavera, o sol e as boas temperaturas chegan ás Rías Baixas

Despois dun sábado gris e ata con alerta amarela por ondas no mar este domingo amaneceu nas Rías Baixas con ceos despexados e sol. E iso faise notar nas terrazas e nos paseos dos areais e por suposto no estado de ánimo, que andaba algo decaído tralo tren de borraasca de xaneiro e febreiro.

O bo tempo continuará como mínimo ata o vindeiro venres, que é o día que entrará a primavera ás 15:46 horas. No sur de Galiica o martes os termómetros chegarán aos 18 graos e o mércores aos 25. As mínimas entre os 8 e os dez graos cumprindo o refrán 'Marzo marceador, de noite frío e de día calor'. Á vista, ademáis do cambio de estación o da hora, a última fin de semana do mes.

Hai só 24 horas Samil, a praia urbana por excelencia de Vigo, lucía gris e chuviosa, ... e un día despois... domingo de sol con temperaturas que irán subindo ata os 25 graos do mércores. Nas Rías Baixas a xente sae á rúa cansa da chuvia infinita deste arranque de 2026 e co ánimo novo que imprime o primeiro sol, a cinco días do cambio de estación.  

AEMET prevé que en Galicia se vivirán temperaturas máis altas do habitual, pero, literalmente, o tempo dirá.