Desembarcan no Canadá o mariñeiro que denunciara danos no Villa Nores

Santiago López desembarcou nas últimas horas no Canadá. Tras a súa denuncia pública de danos no Villa Nores, que ao seu xuízo poderían provocar un accidente no buque, o mariñeiro galego foi levado a porto.

Segundo confirmou el mesmo a TVG nestes momentos está realizando trámites para o seu regreso a Galicia, pero non sabe en momento poderá facer a viaxe de volta.

Santiago, engraxador de máquinas a bordo do Villa Nores, ten 53 anos e leva toda a vida traballando no mar. Unha lesión evitoulle embarcar na última marea do Villa de Pitanxo, na que naufragou o buque e no que faleceron 21 mariñeiros e sobreviviron tres. No xemelgo deste, o Villa Nores, enrolouse o 22 de novembro.