As bebidas azucradas e a bolería deixan de venderse este xoves nos centros educativos
As máquinas expendedoras e nas cafeterías deberán servirse alimentos que non superen as 200 quilocalorías
Galicia é a primeira comunidade en aplicar esta medida que se recolle no decreto de comedores escolares saudables e sostibles
Vexetais, cereais, froitas ou froitos secos toman o relevo nas máquinas expendedoras dos centros educativos para mudar os hábitos alimentarios dos máis novos.
"A nosa merenda do recreo acostuma ser ou bocadillo ou bolería", di un rapaz.
A bolería e as bebidas azucradas desaparecen dos centros educativos
"Está ben a medida, xa sabemos que o azucre mata", comenta un pai.
A rapazada xa leva semanas notando cambios nos seus centros
"Agora hai bocadillos menos graxos; incorporaron, por exemplo, o de tortilla francesa".
Cambios na merenda e á hora de hidratarse. Os centros deberán favorecer o acceso á auga potable e haberá limites tamén para o café.
"E aplaudible, o que primeiro se ve nas máquinas e o que máis consumimos", asegura o nutricionista Ricardo Estévez.
Os pais aplauden a medida, pero tamén teñen preocupacións.
"Está ben que o prohiban no instituto pero saen del e a menos de 20 metros teñen tendas para comprala, así que máis ben hai que concencialos na casa", di unha nai.
Galicia é a primeira comunidade en aplicar esta medida que se recolle no decreto de comedores escolares saudables e sostibles que entra en vigor o xoves.
