Desarticulada unha organización dedicada a asaltar vivendas en Ourense

A Garda Civil detivo oito persoas por pertencer supostamente unha organización criminal dedicada ao roubo con forza en vivendas habitadas da provincia de Ourense.

Segundo informa a Benemérita, a investigación comezou tras varios roubos de xoias e diñeiro por un valor de 500.000 euros en vivendas das localidades de Avión e de Beariz.

Na operación, denominada Vertixe, os axentes efectuaron oito rexistros domiciliarios en Barcelona, Tarragona e Castelló, incautándose dúas pistolas, 2.100 plantas de marihuana e varios efectos utilizados nos roubos.

Ademais, acharon 10 quilos de haxix, 100 quilos de cogollos e 7.300 euros en efectivo, así como lámpadas e material para plantacións indoor.

Os detidos foron localizados en Ourense, pero no momento da súa identificación déronse á fuga, sendo detidos finalmente en varias provincias españolas como Barcelona, Tarragona e Castelló.

Impútanselles 14 delitos de roubo con forza en vivenda, pertenza a organización criminal, tráfico de drogas, branqueo de capitais, un delito contra a seguridade do tráfico e atentado a axentes da Autoridade.

Todos eles pasarán á disposición do Xulgado de Instrución número 1 de Ribadavia.