Detido un veciño do Pino como presunto autor de catro incendios forestais

A Garda Civil, en colaboración, co Servizo de Protección da Natureza, detivo un home como presunto autor de catro delitos de incendio forestal. 

A investigación comezou tras o foco declarado o pasado día 25 de xullo no lugar de Samil-Castrofeito, no Pino.

No transcurso da mesma producíronse outros tres incendios, os días 5, 8 e 13. O primeiro supuxo un grave risco para as persoas, xa que se localizou nas proximidades de vivendas habitadas.

Os gardas civís lograron identificar o presunto autor e procederon á súa detención. Foi posto xa á disposición do Xulgado de Instrución de garda de Arzúa.