Atopan unha granada da Guerra Civil nunha vivenda da Estrada
Os Tedax da Garda Civil de Pontevedra desactivaron a carga explosiva do artefacto
Advirten os cidadáns de que se atopan algún artefacto sospeitoso, non o manipulen
A Garda Civil desactivou un artefacto explosivo atopado nunha vivenda da Estrada polos seus donos, mentres facían reformas no seu piso.
Os Tedax de Pontevedra foron os encargados de retiralo e detonaron a carga atopada nun lugar onde podía ser controlada. O artefacto resultou ser unha granada da Guerra Civil.
Esta actividade só deben facela eles, segundo recalcaron, pois para un civil pode ser moi perigoso. Insisten en que se avise en caso de atopar calquera artefacto sospeitoso.
A pesar da súa posible aparencia obsoleta e do tempo que poida ter, o máis probable é que manteña as súas propiedades, pois son artefactos pensados para as guerras e para ser útiles durante moitos anos.
Na comandancia da Garda Civil de Pontevedra os Tedax calculan que arredor de 50 explosivos antigos aparecen cada ano en Galicia, a maioría similares a este último da Estrada.
