Calcinado por completo un vehículo en Moaña, sen quedar ferida a súa condutora
No vehículo viaxaban dúas mulleres e unha meniña, que puideron saír do turismo a tempo e atópanse en perfecto estado, segundo trasladan fontes da Policía Local
Un coche quedou calcinado por completo en San Martiño (Moaña) durante a mañá deste martes. Con todo, non houbo feridos no accidente.
No vehículo viaxaban dúas mulleres e unha meniña, que puideron saír do turismo a tempo e atópase en perfecto estado, segundo trasladan fontes da Policía Local.
O aviso recibiuno a mesma Policía, que pediu ao 112 Galicia medios de extinción porque o lume afectaba o coche, tal e como informa o Centro de Atención ás Emerxencias de Galicia (CIAE).
Ata alí desprazáronse, ademais da Policía Local, a Garda Civil, Protección Civil de Moaña e os Bombeiros do Baixo Miño, que conseguiron sufocar as lapas e afortunadamente non houbo que lamentar danos persoais.
