Desaloxadas casas e as praias de Balarés e O Osmo por un incendio forestal en Ponteceso

A alerta activouse pouco despois das catro da tarde. As testemuñas din que houbo unha explosión na liña de alta tensión. De momento está sen aclarar se foi na propia liña ou foi un transformado. Tras a explosión xurdiron tres focos de lume. Un dos lumes prendeu nun monte próximo ao Couto, outro na Agra do Couto e un terceiro preto Corme.

O lume intensificouse axiña e as autoridades víronse obrigadas a desaloxar casas e as praias de Balarés e o Osmo, no concello de Ponteceso. As autoridades tamén cortaron a estrada que une Ponteceso co Couto. Algúns turistas tiveron que ser evacuados cunha lancha de salvamento de Laxe.

Ata a zona desprazáronse axiña seis axentes, seis brigadas, catro motobombas, dúas pas, un técnico, unha unidade técnica de apoio e tres helicópteros enviados pola consellería de Medio Rural. Este dispositivo foi axudado, desde o primeiro momento, por veciños da zona de Currás, onde o lume se achegaba ás casas.

CORUÑA||🔥declarado incendio en ponteceso🔥 pic.twitter.com/3MWZ1FSR62

— Incendios galicia (@Incendiosgalic1) August 2, 2025