Cae un noiro sobre unha praia de Moaña

Os veciños de Meira espertaron con parte do noiro de terra que hai ao carón da praia do Cocho caído sobre o areal. O desprendemento danou unha tubaxe porén, segundo os técnicos, non se produciron verteduras ao mar nin problemas no saneamento.

A policía sinalizou a zona por precaución e para evitar consecuencias máis graves, pero non foi necesario cortar a vía ao tráfico. 

Non é a primeira vez que se produce un derrubamento similar. Este noiro fora apuntalado en 2019 e o pasado ano rexistráronse verteduras fecais ao mar.

Nas últimas horas os técnicos da Autoridade Portuaria de Vigo avaliaban os danos e comezaban os primeiros traballos para acometer a reparación.