Cultiva unha cebola que supera os dous quilos
Un veciño de Vigo, que recoñece que lles canta ás súas hortalizas, apañou a cebola coa que pensa que vai cociñar
Parece un balón de fútbol pero é unha cebola. A máis grande que recolleu ata o de agora un veciño de Bembrive, en Vigo.
Pesa uns dous quilos. A verdade é que o seu propietario, Manolo, foi o primeiro sorprendido coas dimensións que acadou esta cebola. Asegura que non fixo nada fóra do habitual. Plantou coma sempre as sementes dun ano para outro, pero o crecemento deste exemplar foi extraordinario.
Con todo, Manolo si ten un segredo: na leira canta para as súas cebolas. El é un namorado da súa horta, onde atopa os alimentos mais saudables.
Polo de agora esta cebola está na neveira, pero pronto se converterá en ingrediente de moitas receitas gastronómicas.
