Continúan os afundimentos no aparcadoiro da estación de tren de Vilagarcía

Na praza da Estación de Vilagarcía continúan os problemas co pavimento que segue colapsando.

Segundo fontes do ADIF toda a zona está afectada pola presenza de augas subterráneas.

Poderían ser as causantes da rotura do colector situado baixo a praza.

Confirman que están traballando para volver ter operativos tanto o colector como os aparcadoiros en superficie.

Non descartan acometer obras de maior calado.

Os veciños quéixanse de non ter onde aparcar e están preocupados porque xa no 2019 se afundira o pavimento provocando unha fochanca duns 10 metros cadrados de superficie e 2 de profundidade.