Continúan as restricións para o consumo da auga da billa en trece parroquias de Castro de Rei

Os niveis altos de arsénico na auga da traída de Quintela, en Castro de Rei, fan que se manteña a recomendación de que non se utilice para o consumo humano.

Afecta a trece parroquias, unha delas é Castro de Ribeiras de Lea, onde están de festas. Nas casas e nos restaurantes teñen que aprovisionarse con garrafas de auga.

Na última análise o nivel de arsénico era dun microgramo por litro de auga por enriba do recomendado.