Condenado a oito anos de prisión un home que intentou violar dúas mulleres na Coruña

Condenado a oito anos de cárcere o home que intentou violar dúas mulleres na contorna da estación de tren da Coruña en xaneiro do ano pasado. A sección segunda da Audiencia provincial imponlle ademais outros 14 anos de liberdade vixiada.

O condenado aproveitou que aquela noite aínda estaba vixente o toque de recollida para abordar dúas mulleres en pouco máis dun cuarto de hora, nunha zona de escaso tránsito dada a hora e o tempo chuvioso.

Con todo, as dúas vítimas puideron ser auxiliadas por viandantes que as escoitaron pedir auxilio, polo que o home non puido consumar a agresión.