Concluído o estudo hidroxeolóxico do paso do AVE a Vigo por Cerdedo
Concluído o estudo hidroxeolóxico do paso do AVE a Vigo por Cerdedo
Este percorrido acurtaría tempo para os vigueses, que xa non terían que pasar por Santiago
Anunciouno o alcalde de Vigo, Abel Caballero, tras reunirse co presidente de Adif, Ángel Contreras
Imaxe de aquivo dun tren de alta velocidade
O estudo hidroxeolóxico do trazado da alta velocidade ferroviaria entre Vigo e Ourense por Cerdedo está concluído, segundo anunciou este mércores o alcalde de Vigo, Abel Caballero, tras reunirse en Madrid co presidente de Adif, Ángel Contreras.
“Saio da reunión moi satisfeito porque o que acabo de comprobar é que Adif cumpriu enteiramente todo o estudo hidroxeolóxico, que se iniciou con Isabel Pardo de Beira e acábase de concluír co actual presidente e xa está enviado ao Ministerio de Transportes”, dixo Caballero.
O alcalde avanzou que proximamente se reunirá co secretario de Estado, José Antonio Santano, para ultimar o estudo informativo que dea paso ao proxecto construtivo e á obra.
Foron case cinco anos para completar este trámite, o cal sufriu atrasos porque a Confederación Hidrográfica do Miño-Sil solicitou información extra sobre dous tramos do trazado, tal e como explicou Caballero.
“A partir de agora xa é o Ministerio, non Adif, o que ten que facer o estudo informativo complementario para, co anterior, adaptalo aos informes do hidroxeolóxico”, indicou.
