Concentración en Lugo en repulsa do crime de Cristina Cabo
Concentración en Lugo en repulsa do crime de Cristina Cabo
A comunidade colombiana de Lugo amosa a súa indignación e horror
En Lugo capital hai uns seiscentos colombianos, unha veciñanza nova que se formou principalmente nas tres últimas décadas.
Cando se coñeceu que o presunto asasino de Cristina era colombiano, deseguida esta comunidade fixo pública a súa indignación e o seu horror polo crime.
Tamén salientaron a valentía da irmá do presunto asasino, xa que foi ela quen o delatou.
Ademais, queren evitar que este crime terrible estigmatice os colombianos que viven en Lugo.
Esta manifestación é a segunda que se produce en repulsa polo crime terrible de Cristina Cabo; a anterior estivo convocada pola Plataforma Feminista.
De novo a xenreira, a impotencia e a dor por un crime contra unha muller, un presunto asasinato que deixou a familia de Cristina, as súas amizades e á cidade de Lugo co baleiro infinito que traen as ausencias inexplicables.
