Concentración en Lugo contra a ocupación ilegal de vivendas

Veciños de Lugo saíron á rúa cunha pancarta coa súa reivindicación: que se tomen medidas contra a ocupación ilegal de vivendas. Pídenlles ás administracións que interveñan para pór solución a unha realidade que afecta, sobre todo, ás zonas deprimidas.

No barrio do Sagrado Corazón hai varios inmobles ocupados sen permiso. A veciñanza está farta dunha situación que, asegura, achega inseguridade e problemas de convivencia. 

Reclaman un cambio nas normas que impida a ocupación ilegal, como a cancelación de axudas sociais cando non se cumpre a lei ou a aplicación dun protocolo contra a apropiación ilexítima.