Comezou a MS2 Cup, o torneo organizado por Míchel Salgado con 4.500 xogadores
Os encontros dispútanse na Madroa durante dúas fins de semana
Atenden aos seus adestradores sen pestanexar porque saben que esta fase de aprendizaxe é fundamental para desenvolver logo as súas carreiras deportivas e persoais. Grandes e pequenos pelexan por un posto no podio, pero os favoritos case sempre son os mesmos.
Na Madroa, os máis modestos comparten céspede cos clubes máis senlleiros de aquí e dacolá.
Un deses sorrisos é o de Eloy, capitán do Arosa. O seu equipo derrotou a un dos favoritos e máximos goleadores ata o momento como é o Porto. Foi duro, un a cero, pero pagou a pena.
Celta e Depor levan o foco entre os representantes galegos.
Esta última fin de semana de maio e a primeira de xuño alevíns, infantís, cadetes das mellores canteiras nacionais e internacionais compiten nas instalacións da Madroa por esta sétima edición da MS2 CUP.
