En liberdade o último dos tres detidos polos disturbios da Coruña
Todos, os tres arrestados, quedaron en liberdade con cargos á espera de procedemento xudicial que corresponda segundo confirmaron desde a Delegación do Goberno
Prendéronnos por delitos de desordes públicas, atentado contra axentes da autoridade e danos en bens públicos
Europa Press
A Delegación do Goberno confirmou a posta en liberdade con cargos, á espera do procedemento xudicial correspondente, do último dos tres detidos polos altercados rexistrados este mércores na cidade da Coruña.
Estes feitos producíronse tras unha convocatoria con mesa informativa de Vox e con participación do seu presidente, Santiago Abascal, e, ao mesmo tempo, presenza doutra manifestación, na praza de María Pita, de Galiza Nova e outras organizacións en contra do "fascismo".
Aí, cando xa non estaban presentes representantes de Vox, produciuse unha carga policial, con lanzamento de pedras e de mesas e cadeiras por parte dalgúns dos participantes na protesta.
Durante o incidente foron detidas tres persoas por delitos de desordes públicas, atentado contra axentes da autoridade e danos en bens públicos. Todos eles están en liberdade con cargos e á espera do procedemento xudicial correspondente, segundo confirmaron fontes da Delegación do Goberno.
