Comeza un EuroBasket sen galegos e sen España como favorita

España estrearase no EuroBasket contra Xeorxia, nun grupo en que tamén están Chipre, Bosnia Herzegovina, Italia e a Grecia de Giannis Antetokounmpo

A selección segue inmersa nun cambio xeracional con ata cinco xogadores facendo o seu debut nun gran torneo co combinado nacional e sen a presenza de ningún galego.

Pese a non estar entre as favoritas os xogadores españois aférrase ao seu carácter para ir medrando durante o torneo e repetir o éxito do último EuroBasket.

España parte co complicado obxectivo de revalidar o titulo nunha competición que ten como favoritos Alemaña, vixente campioa do mundo, e a Serbia de Nikola Jokic