Comeza o Festival de Cans con actividades no Porriño
Homenaxe a "Reisiño" e á memoria nos 22 anos do festival
Converter unha aldea de menos de cincocentos habitantes nun plató de luxo é parte do éxito do Festival de Cans. Creado na súa localidade porriñesa por Alfonso Pato hai 22 anos.
No lugar conviven actores con novas promesas, maiores e rapaces, un ecosistema único.
Cans axiña escoitará o ruxir dos chimpíns. A actividade comezou este martes no centro da vila coa inauguración da mostra de "Reisiño": caricaturista, deportista e adestrador na vila.
Vinte e dous anos ten xa este carismático festival en que non hai zonas vips e pódeste cruzar con León de Aranoa, Sánchez Arévalo ou Tosar en cortes e corredoiras.
O festival que comezou como unha broma de amigos está xa máis que consolidado como lugar de convivencia entre as estrelas e os veciños de Cans e O Porriño.
Mención aparte o impacto social, económico e cultural dun certame marcado este ano pola memoria.
