Publicador de contidos

Publicador de contidos

Clavería: "É unha situación fodida, e entendo a afección"

Clavería: "É unha situación fodida, e entendo a afección"

O Lugo leva 15 partidos sen gañar, todos os que disputou desde que empezou 2023

G24.gal 19/04/2023 12:20 Última actualización 19/04/2023 12:28

Pablo Clavería, centrocampista do Lugo, afirmou que o conxunto galego defenderá o domingo ante o Málaga no Anxo Carro a "mínima posibilidade" que queda para evitar o descenso a Primeira Federación.

"É unha situación fodida. Aos afeccionados non lles podo dicir outra cousa que é que hai unha mínima posibilidade que hai que esgotala e que o domingo hai un bonito partido en que nos imos a deixar todo. Só pódolles dicir que nos imos a deixar todo ata o último minuto".

O Lugo está a 14 puntos da permanencia con 18 por disputar e recibe a outro equipo que se atopa en posicións de descenso, pero con máis opcións de salvarse, a cinco puntos do 18º clasificado: 

"É un rival que vén de conseguir unha vitoria importante (1-0 ante o Cartaxena), pero dá igual quen veña, nós temos que tentar dar nosa mellor versión e competir ao máximo", declarou.

Do Málaga advertiu de que "ten moi bos xogadores" a pesar de que se atopa "nunha situación na que non pensaban estar".

"En xaneiro reforzouse ben, estivo moi afundido, agora vese aí (con posibilidades de salvarse) e vai vir con ganas de aproveitar esta oportunidade. Nós estamos tamén con moitas ganas de que chegue a fin de semana, de poder sumar esa vitoria que levamos tempo buscando", dixo o xogador madrileño.

O Lugo leva 15 partidos sen gañar, todos os que disputou desde que empezou 2023, unha xeira que o afundiu na táboa.

Publicidade
Publicidade
Publicidade
Publicidade
Pódeche interesar

Publicador de contidos