Giráldez: "Temos a perspectiva do bonito do momento que vivimos, hai moita ilusión"
O técnico do Celta ofreceu unha entrevista na Radio Galega
Construíu un equipo recoñecible, dinámico e competitivo
O Celta está a protagonizar unha tempada 2025-26 marcada pola súa consolidación competitiva e polo salto definitivo a nivel europeo. En Liga, o conxunto vigués mantense na zona alta da clasificación, arredor do sexto posto, cun rendemento sostido e unha media próxima aos 1,6 puntos por partido, confirmando a súa evolución respecto a campañas anteriores. A pesar de certa irregularidade en momentos puntuais, o equipo amosou capacidade para competir contra rivais de maior entidade e manterse na loita polas posicións europeas.
En Europa, o Celta asinou unha das súas mellores campañas recentes. Tras superar a fase de grupos e eliminar ao PAOK, o cadro celeste conseguiu un fito histórico ao deixar fóra ao Olympique de Lión e meterse nos cuartos de final da Europa League, algo que non lograba desde hai case unha década. Cun balance de máis de 20 goles a favor na competición e unha proposta valente, o equipo destacou pola súa intensidade, presión alta e capacidade para competir en escenarios esixentes. Claudio Giráldez valorou este momento.
"Temos a perspectiva do bonito do momento que vivimos, hai moita ilusión".
Boa parte deste crecemento leva o selo de Claudio Giráldez, convertido nun dos grandes nomes da tempada. O técnico apostou decididamente pola canteira, dando protagonismo a numerosos xogadores formados en A Madroa, e construíu un equipo recoñecible, dinámico e competitivo. O seu estilo, baseado na intensidade e no equilibrio entre xuventude e experiencia, permitiu non só estabilizar ao Celta en Liga, senón tamén devolvelo ao protagonismo europeo. Hoxe falou para a Radio Galega e lembrou a dura derrota ante o Alavés:
"É das máis difíciles de dixerir, estamos mal acostumados a que o equipo esté ben, é unha lección e unha aprendizaxe para todos".
Tamén foi claro sobre as críticas a determinados xogadores.
"Ás veces dáselle voz á falta de respecto e pódese criticar a calquera pero sen perder as formas".
Así, o curso celeste está a consolidarse como un punto de inflexión, cun equipo que medra en identidade e ambición baixo a dirección dun Giráldez que xa simboliza o novo rumbo do club. Agora hai parón polas seleccións, unha boa nova para o técnico celeste.
"Esta semana vén ben para tomar osíxeno, a polo tramo final da competición con ilusión".
