Cinco mozos, dous deles menores, investigados por un incendio tras acampar nas illas Alvedosas, en Vilaboa

Cinco mozos, entre eles dous menores, están investigados pola Gardia Civil por un incendio forestal que se produciu o 1 de xullo nunha das illas Alvedosas, en Vilaboa (Pontevedra), situado dentro da Rede Natura 2000.

Detrás dese incendio, segundo o Servizo de Protección da Natureza (Seprona), están, presuntamente, un veciño de Arcade de 19 anos, dous de 18 anos de Soutomaior e outros dous de 16 residentes neses mesmos municipios.

O incendio afectou a totalidade do illote, cunha superficie aproximada de 4.000 metros cadrados e situado dentro da Zona de Especial Conservación Enseada de San Simón, pertencente á Rede Natura 2000.

Os investigados pernoitaron no lugar, onde había restos dunha acampada e dunha fogueira

A investigación permitiu localizar restos dunha acampada e dunha fogueira na zona afectada e as posteriores investigacións permitiron identificar os cinco mozos que pernoitaran e realizaran ese lume no lugar do incendio.

A inspección efectuada polos axentes situou como hipótese máis probable da orixe do incendio un uso neglixente do lume.

Aos investigados atribúeselles un delito de incendio forestal por imprudencia grave.

As actuacións policiais foron postas ao dispor da Sección Civil e de Instrución do Tribunal de Instancia en funcións de Guardia de Cangas de Morrazo e a Fiscalía de Menores.