Ciclistas e camiñantes comparten a nova senda ZEC de Cecebre
Ciclistas e camiñantes comparten a nova senda ZEC de Cecebre
Son máis de 26 quilómetros que discorren por Bergondo, Carral, Betanzos e Abegono
O proxecto contou cun investimento de máis de dous millóns de euros
A Deputación da Coruña inaugurou a nova senda ZEC, con 26,5 quilómetros de rutas para camiñar ou andar en bicicleta que discorren polos municipios de Abegondo, Betanzos, Bergondo e Carral, en pleno corazón da Reserva da Biosfera Mariñas Coruñesas e Terras do Mandeo.
Máis de 700 persoas madrugaron para participar na ruta inaugural, que saíu do pavillón de Guísamo, en Bergondo, e rematou no Campo da Feira de Carral. Camiñantes e ciclistas compartirán os camiños da ruta, que discorre en gran parte pola ribeira do encoro de Cecebre.
O proxecto supuxo un investimento de 2.150.688 euros, cofinanciado con fondos propios da Deputación e fondos europeos FEDER a través do Instituto para a Diversificación e o Aforro da Enerxía do Goberno de España.
_frame_5592.png)
