Chris Ramos di que o Lugo vai traballar para que o Burgos sufra no Anxo Carro
O Lugo só sumou dous puntos do últimos 21 en xogo
Chris Ramos, dianteiro do Lugo, mostrouse optimista a pesar da posición de descenso en que se atopa o seu equipo, que só sumou dous puntos do últimos 21 en xogo, e asegurou que o equipo branquivermello, como xa demostrou noutras ocasións, é unha "familia" e está capacitada para saír da situación:
"Estamos convencidos de que, se alguén pode sacar isto adiante, é este equipo. Somos un bloque, unha familia, imos axudarnos uns a outros para revertelo. Traballamos xenial no día a día, pero non se está vendo reflectido nos partidos", asegurou tras recibir o trofeo Estrela Galicia ao mellor xogador do Lugo en setembro.
O futbolista andaluz puxo o foco no seguinte partido da tempada, ante o Burgos, terceiro clasificado de LaLiga SmartBank e invicto, o vindeiro domingo no Anxo Carro.
"É un grandísimo equipo, imos traballar para que sufran"
"O Burgos está a facer unha grandísima tempada. Ata o partido anterior non había encaixado gol e é un equipo moi forte, moi defensivo. Nós somos moi perigosos en casa e imos dalo todo"
Os burgaleses encaixaron o primeiro gol da tempada a pasada fin de semana tras dez xornadas coa súa portería a cero.
"Defensivamente, á vista está que é un grandísimo equipo. Imos traballar para que sufran e conseguir a vitoria. Nós somos un equipo que con pouco creamos perigo, estamos a ter ocasións e materializándoas e estamos a traballar na faceta defensiva, que é o que nos fallou nestes partidos"
