Cheo total en Vigo no día grande da Reconquista

Os franceses, o exército de Napoleón, foi esta tarde expulsado da cidade de Vigo. Foi o acto principal dunha festa da Reconquista que volveu facernos revivir a historia.

Nos momentos previos a expulsión non faltou a música e tampouco a batalla entre o pobo e o exército francés nunha espectacular posta en escena, este ano no Náutico, que desempeñaron centos de actores da asociación cultural e veciñal do casco vello vigués.

E esa defensa da vila chega co derrubamento da porta de Gamboa. Un dos momentos álxidos da festa que seguiron milleiros de persoas na rúa.

Cos franceses derrotados chega o momento da súa expulsión. Con algo de enfado depoñen as armas para por fin a un dos actos centrais dunha nova reconquista que este ano cumpriu con creces o seu obxectivo.

Pero a súa despedida en barco e simplemente un adeus.

O ano que vén, volverán a recrear novamente esta parte da historia nun festexo declarado de interese turístico nacional.