Charlas viaxeiras e música na cuarta edición do Gulliver Fest

A pandemia disparou o turismo de autocaravana e puxo de moda unha forma de viaxar alternativa, máis libre e máis conectada coa natureza. En apenas dous anos o número de vehículos censados duplicouse e a demanda de alugueiro medrou en paralelo.

Centos destes viaxeiros xuntáronse esta fin de semana á beira do río Xubia de Narón nunha nova edición do Gulliver Fest, tres días con espazo para a música, as viaxes, a literatura e os nenos ao carón do muíño de Pedroso.